ಪ್ರಿಯ ಸಹೋದ್ಯೋಗಿ ಮಿತ್ರರೇ,
ದಿನಾಂಕ 11-08-2012 ಮತ್ತು 12-08-2012 ರಂದು ಶರ್ಮಾಜೀಯವರ ನೇತೃತ್ವದಲ್ಲಿ
ಹುಬ್ಬಳ್ಳಿಯ ವಿಶ್ವಶ್ರಮಚೇತನದಲ್ಲಿ ಸರ್ವ ಸದಸ್ಯರ ಸಭೆಯನ್ನು
ಹಮ್ಮಿಕೊಳ್ಳಲಾಗಿದ್ದು, ದಿನಾಂಕ 11-08-2012 ರಂದು ರಾಜ್ಯದ
ಎಲ್ಲಾ ಜಿಲ್ಲಾಧ್ಯಕ್ಷರುಗಳಿಗೆ ಅತಿ ಮುಖ್ಯವಾದ ಸಭೆಯಿದ್ದು
ಪ್ರತಿಯೊಬ್ಬ ಜಿಲ್ಲಾಧ್ಯಕ್ಷರು ಕೂಡ ತಪ್ಪದೇ ಹಾಜರಾಗಬೇಕಾಗಿ
ಕೋರಲಾಗಿದೆ ಹಾಗೆಯೇ ದಿನಾಂಕ 12-08-2012 ರಂದು
'ಸರ್ವಸದಸ್ಯರ ಸಭೆ'ಯಿದ್ದು ರಾಜ್ಯದ
ಎಲ್ಲಾ ನೆಮ್ಮದಿ ನೌಕರರನ್ನು(1600) ಈ
ಸಭೆಗೆ ಭಾಗವಹಿಸಲು ಆಹ್ವಾನಿಸಲಾಗಿದೆ. ಈ ಎರಡು ದಿನ
ನಡೆಯುವ ಸಭೆಯು ಅತಿ ಮುಖ್ಯವಾಗಿದ್ದು
ಮೊದಲ ದಿನ ಜಿಲ್ಲಾಧ್ಯಕ್ಷರುಗಳು ಹಾಗೂ
ಎರಡನೇ ದಿನ ರಾಜ್ಯದ ಪ್ರತಿ
ನೆಮ್ಮದಿ ನೌಕರರು ಹಾಜರಿರುವುದು ಅತಿ
ಅವಶ್ಯಕವಾಗಿದೆ. ನಿಮ್ಮ ಯಾವುದೇ ಅನುಮಾನದ
ಪ್ರಶ್ನೆಗಳಿದ್ದರೂ ಈ ಸಭೆಯಲ್ಲಿ ಪರಿಹರಿಸಿಕೊಳ್ಳಬಹುದಾಗಿದೆ
ಹಾಗೆಯೇ ತಮ್ಮ ಅನಿಸಿಕೆ, ಸಲಹೆಗಳನ್ನು
ಇಲ್ಲಿ ಹಂಚಿಕೊಳ್ಳಬಹುದಾಗಿದೆ, ಜೊತೆಗೆ ಇಲ್ಲೀವರೆಗೂ 'ನೆಮ್ಮದಿ
ಕೇಂದ್ರಗಳ ನೌಕರರ ಸಂಘ(ರಿ)'ವು ನಮ್ಮೆಲ್ಲರನ್ನೂ ಕಂದಾಯ
ಇಲಾಖೆಯ ವ್ಯಾಪ್ತಿಯಲ್ಲಿ ವಿಲೀಯನಗೊಳಿಸಲು ನಡೆಸಿದ ಪ್ರಯತ್ನಗಳು ಹಾಗೂ
ಪ್ರಗತಿಗಳ ಬಗ್ಗೆ ಇಲ್ಲಿ ವಿಚಾರಿಸಬಹುದಾಗಿದೆ.
ಈ ಸಭೆಗೆ ಬರುವಾಗ
ಪ್ರತಿ ನೆಮ್ಮದಿ ನೌಕರರು ಸದಸ್ಯತ್ವ
ಅರ್ಜಿ(ಫಾರ್ಮ್)ಯನ್ನು ಭರ್ತಿ
ಮಾಡಿ ತರತಕ್ಕದ್ದು ಮತ್ತು ಅರ್ಜಿಗಳು ತಮ್ಮಲ್ಲಿ
ಇಲ್ಲದಿದ್ದರೆ ತಮ್ಮ ಜಿಲ್ಲಾಧ್ಯಕ್ಷರನ್ನು ಕೇಳಿ
ಪಡೆಯತಕ್ಕದ್ದು. ಆದ್ದರಿಂದ ಪ್ರಿಯ ಮಿತ್ರರೇ ಈ
ಸರ್ವಸದಸ್ಯರ ಸಭೆಯು ಅತಿ ಪ್ರಮುಖವಾಗಿದ್ದು
ಪ್ರತಿಯೊಬ್ಬರು ಹಾಜರಿರಲೇಬೇಕೆಂದು ಇನ್ನೊಮ್ಮೆ ನೆನಪಿಸುತ್ತಿದ್ದೇವೆ.
ಸೂಚನೆ:
ಈ ಸಂದೇಶವನ್ನು ತಮ್ಮೆಲ್ಲ
ಸಹೋದ್ಯೋಗಿ ಮಿತ್ರರಿಗೂ ತಿಳಿಸಿ.
ಅಧ್ಯಕ್ಷರು
ನೆಮ್ಮದಿ
ಕೇಂದ್ರಗಳ ನೌಕರರ ಸಂಘ
ವಿಶ್ವಶ್ರಮಚೇತನ,
ಹುಬ್ಬಳ್ಳಿ
MARANAYAKA G H
9741850214
